Úrtøkan var ein heilt onnur, enn hon var á Ólavsøku, tá ið sandoyingar í dag vitjaðu við Margárir í Streymnesi.
Úrslitið var 8-0 til heimaliðið, sum í øllum lutum var greitt omaná.
Nógv av hesum kappingarárinum hevur miðvallarin Brian Olsen verið plágaður av skaða. Í dag var hann m illum teir fyrstu ellivu, og tað var eiti á, sum hann takkaði fyri álitið.
Brian Olsen setti hol á í 12. minutti. Sekundvísarin hevði bara verið runt eina ferð aftrat, tá ið hann aftur skoraði, og tveir minuttir undan steðginum staðfesti hann hattrikkið.
Í 2. hálvleiki trumfaði hann við at skora fyri fjórðu ferð!
Tá ið Daniel Udsen í síðstu løtu undan hvíldini hevði økt til 4-0, var tað bara ein spurningur, hvussu stórur sigurin fór at verða.
Einki eydnaðist hjá B71, sum leið undir, at liðformaðurin Símun Hansen var leikbannaður, og at stríðsmaðurin á vinstra vongverja, Frits Eið, longu miðskeiðis í 1. hálvleiki noyddist skaddur av vøllinum.
8-0 og fín aðalroynd hjá EB/Streymi undan steypafinaluni í Klaksvík fríggjadagin.
B71 ferðin suður aftur var ikki so hugalig í kvøld, sum hon var tað eftir Ólavsøku. Sigurin á HB tóktist hava mettað teir gulu og bláu so mikið, at tað orduliga sást aftur í avrikinum ella rættari manglandi avrikinum við Margáir, har dómarin ongantíð hevði gula kortið á lofti!
EB/Streymur-B71 8-0 (4-0)
Dómari: Eiler Rasmussen
1-0: Brian Olsen 12.
2-0: Brian Olsen 13.
3-0: Brian Olsen 43.
4-0: Daniel Udsen 45.
5-0: Gert Hansen 49.
6-0: Brian Olsen 55.
7-0: Hans Pauli Samuelsen 72.
8-0: Daniel Udsen 83.
EB/Streymur: René Tórgarð - Gert Hansen, Marni Djurhuus, Egil á Bø, Dánjal Davidsen - Gudmund Nielsen (Leif Niclasen, 11.), Pauli G. Hansen (Kristoffur Jakobsen, 57.), Brian Olsen, Daniel Udsen - Sorin Anghel Hans Pauli Samuelsen, 57.), Arnbjørn Hansen
B71: Predrag Markovic ? Bojan Zivic, Marko Stanic (Rúni Joensen, 65.), Jóhannes Jensen, Frits Eið (Hanus Clementsen, 25.)? Danilo Kovacevic, Bogi Hermansen, Mikkjal Hentze, Mads Hentze, Ebbe Kristin Thomsen (Thomas Hans Rubeksen, 46.) - Høgni Midjord
----------
Liðugt
8-0!
85 min.
8-0
Daniel Udsen skoraði eftir horna og út frá aftur eftir 83 min.
------
75 min.
7-0
Hans Pauli Samuelsen hevur við langskoti økt um leiðsluna, og nú restar lítið í, at talan fer um at vera um størsta sigur í kappingini higartil í ár.
-------
65 min.
6-0
Rúni Joensen er komin inn á B71 liðið fyri Marko Stanic
---------
60 min.
6-0
EB/Streymur hevur skift út:
Fyri Sorin Anghel er Hans Pauli Samuelsen komin á vøllin, og Kristoffur Jakobsen hevur loyst Paula G. Hansen av.
------
55 min.
6-0
Brian Olsen hevur skorað fyri fjórðu ferð, eftir at Sorin Anghel spældi seg ígjøgnum í vinstru og legði innfyri!
----
50 min.
5-0
EB/Streymur hevur lagt fyri, sum teir endaðu 1. hálvleik.
Í 49. minutti økti Gert Hansen um munin eftir fínt álop.
B71 hevur skift Thomas Hans Rubeksen inn fyri Ebbe Kristin Thomsen
Hálvleikur.
4-0
Sandoyingar hava ikki verið at kent aftur, eftir rimmar avrikið, sum teir sýndu á Ólavsøku.
Heimaliðið hevur verið púra greitt omaná, og spurningurin er bara, hvussu stórur heimasigurin fer at verða.
-----
45 min.
4-0
Daniel Udsen hevur úr 25 metrum sent fríspark upp um manngarðin og dygst inn við stólparótini aftanfyri Predrag Markovic.
42 min.
3-0
Ógvusliga trýstið, sum heimaliðið legði fyri við, linkaði eina løtu, men heimaliðið hevur havt eina rúgvu av møguleikum, og nú er 3-0.
Aftur hesa ferð var tað Brian Olsen, sum skoraði!
20 min.
2-0
Tað hevur gingið skjótt hjá EB/Streymi, sum eftir lítlari løtu hevur skorað tvey mál.
Í fyrra førinum var tað eftir horna og út frá. Ein av heimamonnunum fór um koll, og tá ið Brian Olsen royndi seg úti frá, rakti bólturin í liggjandi mannin, og fór so í málið.
Lítla løtu seinni var miðvallarin Brian Olsen aftur upp á spæl, tá ið hann sendi langskot upp í málhornið!
EB/Streymur-B71 kl. 15.00
EB/Streymur: René Tórgarð - Gert Hansen, Marni Djurhuus, Egil á Bø, Dánjal Davidsen - Gudmund Nielsen (Leif Niclasen, 10.), Pauli G. Hansen, Brian Olsen, Daniel Udsen - Sorin Anghel, Arnbjørn Hansen
B71: Predrag Markovic ? Bojan Zivic, Marko Stanic, Jóhannes Jensen, Frits Eið ? Danilo Kovacevic, Bogi Hermansen, Mikkjal Hentze, Mads Hentze, Ebbe Kristin Thomsen - Høgni Midjord
