Í dag vóru nógv fólk komin saman við fiskaplássið vestanfyri Naddoddaneystið á Tvøroyri, har virkna bátafelagið Naddoddur skipaði fyri avdúking av standmynd.
Har varð standmynd av fiskagentum avdúkað. Gianfranco Nonne, ið er búðsitandi í Vági, hevur gjørt standmyndina.
Tað var 96 ára gamla Bodil Hammer, ið avdúkaði standmyndina. Hon hevur arbeitt nógv í fiski. Viberg Sørensen, vegna bátafelagið Naddodd, og Anita Vibergsdóttir, vegna Tvøroyrar kommunu, hildi røðu. Komið varð m.a. inn á tann stóra leiklut, sum kvinnur høvdu í fiskaarbeiðinum, men sum kanska ikki so ofta verður havdur á lofti.
Eisini bóru tvær kvinnur eina fiskabøru við klippfiski inn á plássið, og har var eisini víst, hvussu fiskur varð breidddur út á fiskaplássið.
Tvøroyrar Hornorkestur setti dám á góðveðursløtuna og tá liðugt varð, sang manskórið Orðið á Borðið frá Frelsunarherinum í Vági.
Myndir frá tiltakinum síggjast her niðanfyri:
##med2##
##med3##
##med4##
##med5##
##med6##
##med7##
##med8##
##med9##
##med10##
##med11##
##med12##
##med13##
