Stefan Radosavljevic skiftir HB út við írskan fótbólt. Nakað sum bolt.fo eisini skrivaði í gjár. Hann fór í gjár við flúgvaranum til Írlands, har hann eftir ætlan skal gera sáttmála við Sligo Rovers. Tað er eitt felag, sum spælir í bestu deildini og bleiv nummar fimm í fjør.
- Jú, tað er rætt at eg eri á veg til Írlands og mangli bara at skriva undir, segði Stefan Radosavljevic á døgurða í gjár við In.fo.
22 ára gamli Stefan Radosavljevic hevur leingi havt ein dreym, um at sleppa uttanlands at spæla fótbólt. Hann er sáttmálaleysur í løtuni og kann tí skifta, sjálvt um flytingarvindeygað er latið aftur. Sonni Ragnar Nattestad hevur eisini spælt í írskum fótbólti.
