Hetta kemst av, at Neistin bara hevur spælt 21 dystir, meðan Tjaldur hevur spælt 22 og Neistin 23.
Sostatt hevur Stjørnan fleiri skot eftir í byrsuni enn hini bæði, og eitt av teimum kunnu klaksvíkskvinnur loysa av í kvøld klokkan 19.45, tá tær spæla ímóti VÍF í Vestmanna.
Hetta er dysturin, sum bleiv útsettur mikukvøldið 16. mars, tí Stjørnan tá ikki hættaði sær úr Klaksvík, tí veðrið var so vánaligt.
Vinna klaksvíkskvinnur í kvøld á VÍF, yvirtaka tær aftur oddasessin og fara eitt stig fram um Neistan og fýra fram um Tjaldur. Neistin hevur bara ein dyst eftir, sum er á heimavølli ímóti júst Stjørnuni, sum hinvegin eisini skal spæla heima ímóti StÍF. Tjaldur hevur eftir at spæla úti ímóti VB og heima ímóti VÍF.
