Fyrrverandi NATO-aðalskrivarin og fyrrverandi norski forsætisráðharrin Jens Stoltenberg verður nýggjur fíggjarmálaráðharri í Noregi, skrivar NRK.
Fráboðanin kemur stutt áðrenn norski forsætisráðharrin, Jonas Gahr Støre, alment leggur broytingar fram fyri stjórnina í morgun, eftir at hann hevur verið í statsráð.
Broytingarnar koma eftir at Miðflokkurin fór úr stjórnini í síðstu viku vegna ónøgd við ES-linjuna hjá Arbeiðaraflokkinum.
Tað er formaðurin í Miðflokkinum, Trygve Slagsvold Vedum, sum higartil hevur røkt starvið sum fíggjarmálaráðharri.
Stoltenberg var aðalskrivari í NATO frá 2014 til 2024.
Í oktober varð staðfest, sambært NTB, at Stoltenberg hevði fingið starvið sum nýggjur leiðari á trygdarráðstevnuni í München - eitt starv, sum hann eftir ætlan skuldi taka við í februar.
Hann hevur tvær ferðir verið forsætisráðharri í Noregi. Fyrru ferð frá 2000 til 2001 og aðru ferð frá 2005 til 2013.
/Ritzau/