23. umfar í bestu fótbóltsdeildini í Onglandi er á skránni í kvøld og í annaðkvøld. Millum áhugaverdastu uppgerðirnar er grannastríðið í Liverpool, har Liverpool FC í kvøld fær vitjan av Everton. Søguliga hava teir reyðu í Liverpool FC oftast verið ovari á styrkistalvuni enn teir bláu í Everton, men í ár er rættiliga tætt millum feløgini. Liverpool er á fjórða plássi við 43 stigum, og Everton er á sætta plássi við 42 stigum.
Í kvøld fær Manchester United vitjan av Cardiff, sum við fyrrverandi United spælaranum Ole Gunnar Solskjær við róðrið fer at stríðast fyri at fáa stig og harvið at seta David Moyes undir uppaftur størri trýst.
Toppliðið Arsenal skal spæla á útivølli ímóti Southampton, sum er á níggjunda plássi og ikki hevur tapt fýra tær seinastu ferðirnar – tríggir sigrar og ein javnleikur.
23. umfar
Týskvøldið
Swansea-Fulham
Southampton-Arsenal
Norwich-Newcastle
Manchester United-Cardiff
Liverpool-Everton
Crystal Palace-Hull
Mikukvøldið
Aston Villa-West Bromwich Albion
Sunderland-Stoke
Chelsea-West Ham
Tottenham-Manchester City
