Um midnáttarleitið í gjár kunngjørdi Noreg talið av nýggjum smittaðum seinasta samdøgrið.
Tølini vísa, at landið hevði 11.597 covid-19 tilburðir, sum er 3700 tilburðir fleiri enn sama dag fyri einari viku síðan.
Mikudagin í hesi vikuni setti tølini yvir nýggjar smittutilburðir met, tá samlaða talið var 200 fleiri enn í seinastu dagføring á midnátt.
Men, hóast tølini yvir smittað eru stór í Noreg eins og í okkara grannalondum annars, er talið av innløgdum lutfalsliga lítið.
Um midnáttarleitið í gjár lógu 243 fólk á norskum sjúkrahúsum við covid-19. Tað er 21 færri enn dagin fyri.
Av teimum 243, fingu 60 fólk andahjálp í respiratori. Talið av deyðum við koronu í Noreg, síðan farsóttin tók seg upp, er 1381.