Fyrrapartin í dag eru fimm fólk til grundlógaravhoyring í Føroya Rætti. Tað er í sambandi við eitt eftir øllum at døma stórt rúsevnismál, sum vit hoyrdu um seinnapartin í gjár.
Fimm fólk komu inn í einum seglbáti seinnapartin í gjár, og báturin liggur úti í Bakka í Havn. Hetta er uttarlaga í Vágsbotni út ímóti Tinganesi.
Løgreglan var vælmannað til staðar og handtók fólkini.
Tað eru danir, sum vit skilja á lagnum. Og báturin er úr Kolding sambært navni á hekkuni.
Í dag eru tey fimm fólkini so til grundlógaravhoyring við kravi um varðhaldsfongsling.
Fólkini hava hvør sín verja í rættinum.
Har eru nógv løgreglufólk, og tað tykist tí sum, at hetta er eitt stórt mál.
##med2##
