Fyrsta umfar í Premier League er í gongd. Í dag skulu bæði Manchester City og Manchester United í gongd. Í gjár misti Liverpool í fyrstu royndini, meðan stóru feløgini í London tykjast fáa eina góða byrjan.
Fríggjakvøldið vann Arsenal fyrsta dystin í nýggja kappingarárinum, tá teir vunnu 2-0 á útivølli móti Crystal Palace. Í gjár vann Tottenham 4-1 á Southampton og Chelsea vann 1-0 á útivølli móti Everton.
Tottenham hevur undir leiðslu av Antonio Conte keypt væl inn í summar. Millum teirra eru Ivan Perisic, Fraser Forster, Yves Bissouma, Richarlison og Clement Lenglet, sum er leigaður úr FC Barcelona. Málskjúttar í gjár vóru Ryan Sessegnon, Eric Dier, Dejan Kulusevski og eitt sjálvmál.
Chelsea hevði ikki vunnið á Goodison Park síðani 2017, men í gjár riggaði. Einasta málið í dystinum skoraði Jorginho upp á brotsspark. Chelsea hevur eisini verið fyri nógvum broytingum í summar. Nýggjur eigari er í felagnum, og spælarar sum Raheem Sterling, Kalidou Koulibaly og Marc Cucurella eru nýggir í felagnum. Teir komu allir á vøllin.
Av øðrum kann nevnast, at AFC Bournemouth vann eitt sindur óvæntað 2-0 á Aston Villa, Leeds vann 2-1 á Wolverhampton og venjararnir munnhøggaðust eftir dystin, Newcastle var nógv betri enn uppflytarnir úr Nottingham Forest og vann 2-0.
Premier League 1. umfar:
Fríggjadagin:
Crystal Palace – Arsenal 0-2
Leygardagin:
Fulham – Liverpool 2-2
AFC Bournemouth – Aston Villa 2-0
Leeds – Wolverhampton 2-1
Newcastle – Nottingham Forest 2-0
Tottenham – Southampton 4-1
Everton – Chelsea 0-1
Sunnudagin:
Leicester – Brentford (14.00)
Manchester United – Brighton (14.00)
West Ham – Manchester City (16.30)
1 | Tottenham | 1 | 1 | 0 | 0 | 4:1 | 3 |
2 | Bournemouth | 1 | 1 | 0 | 0 | 2:0 | 3 |
3 | Arsenal | 1 | 1 | 0 | 0 | 2:0 | 3 |
4 | Newcastle | 1 | 1 | 0 | 0 | 2:0 | 3 |
5 | Leeds | 1 | 1 | 0 | 0 | 2:1 | 3 |
6 | Chelsea | 1 | 1 | 0 | 0 | 1:0 | 3 |
7 | Fulham | 1 | 0 | 1 | 0 | 2:2 | 1 |
8 | Liverpool | 1 | 0 | 1 | 0 | 2:2 | 1 |
9 | Brentford | 0 | 0 | 0 | 0 | 0:0 | 0 |
10 | Brighton | 0 | 0 | 0 | 0 | 0:0 | 0 |
11 | Leicester | 0 | 0 | 0 | 0 | 0:0 | 0 |
12 | Manchester City | 0 | 0 | 0 | 0 | 0:0 | 0 |
13 | Manchester United | 0 | 0 | 0 | 0 | 0:0 | 0 |
14 | West Ham | 0 | 0 | 0 | 0 | 0:0 | 0 |
15 | Wolves | 1 | 0 | 0 | 1 | 1:2 | 0 |
16 | Everton | 1 | 0 | 0 | 1 | 0:1 | 0 |
17 | Aston Villa | 1 | 0 | 0 | 1 | 0:2 | 0 |
18 | Crystal Palace | 1 | 0 | 0 | 1 | 0:2 | 0 |
19 | Nottingham Forest | 1 | 0 | 0 | 1 | 0:2 | 0 |
20 | Southampton | 1 | 0 | 0 | 1 | 1:4 | 0 |