Styrkiítróttur hevur verið nógv vaksandi her á landi seinastu árini, og tí er nýggja Styrkifelagið Stoyt sett á stovn.
Stoyt fer at leggja serligan dent á olympiska vektlyfting, vanliga bara nevnd vektlyfting, har ið føroyingar longu fleiri ferðir hava víst sínar dygdir.
Við DM fyrr í ár vunnu føroyingar heiðursmerkir, harímillum gull, og við jólakappingina í Tvørmegi síðsta vikuskiftið gekk sjón fyri søgn, stóru framstigini halda alsamt áfram.
Stoyt er sett á stovn av eigarunum av Tvørmegi og góðum vektlyftarum, sum eisini venja í Tvørmegi.
Endamálið við felagum er at veita eina fasta staðseting, har vektlyfting er í miðdepilinum, so Føroyar kunnu gera seg enn meira galdandi uttanfyri landoddarnar.
Stoyt fer at hava sítt dagliga virksemi í hølum hjá Tvørmegi, og vóna og ætla stovnararnir, at nógv fólk fara at leggja leiðina framvið og royna seg og síðani fara at venja vektlyfting regluliga.