Stríðslúðrar aftur gella
fylkingin alment á ferð
stríðsblóðið sterka man vella
droyrreyða merkið á odda ber
stríðshugurin í besta blóma
við solidariska brandi á leið
javnrættarbirtuna hóma
eldhugaði frælslynti skarin steig
stríðsandan blása í unglingan fríða
øsandi kreftir í æðrunum strítt
mót kúgandi yvirstættini stríða
sjá frælsisljósið bleiktrandi frítt
ríkmanna svikabrøgd-blóðdálkaðu hendur
trælaok nívandi á okkum leggja
kapitalistisku skortar, hvar ein sær vendir
til rættvísisstríðið okkum vil eggja
kúgaða stættin gullið spinnur
ta kúgandi stættina føða
men socialisman tann sterka vil vinna
javnrættaraldan um alheimin fløða!
fámennisveldi undan vil flýggja
socialismunnar stríðsmerki væna
ríkmannafjøldin falla til kníggja
arbeiðarafjøldini brátt megu tæna!
høgrarákið durafjórðingin fáa
arbeiðarastættsins hægsta trá
brátt rættvísismálið droyrreyða náa
stríðsmikli 1. mai-sigur vil fá!
1. mai okkara blóðreyði stríðsdagur
í eystri so máttmikil roðar
kollvelting reyða í eygsjón-socialismunnar staður
javnrætt og frælsi socialisman oss boðar.
solidariska flóðaldan máttmikil er
alheims samhuga sýnir
socialistiska hugsjónin á sigursferð
eitrandi kúgandi liðið nú dvínur
stríðseyðkennisbúnar at sjá
kravgongur, verkføll reyða skaran skoða
javnrætt og frælsi viljum vær fá!
Stríðsljómurin vil okkum boða!
??????????????????
Sólmundur Joensen
1. mai 2003
