Í morgin hækkar Strandferðslan aftur mest loyvda talið á ferðafólki á ymsu leiðunum kring landið.
Samstundis er avgerð tikin um, at allar salongir og øll dekk lata upp aftur, boðar Strandferðslan frá í dag.
Strandferðslan heitir tó á ferðandi um, at halda frástøðu á í minsta lagi ein metur og at halda gott reinføri.
Sum partur av almennu koronatilmælunum herdi Strandferðslan treytirnar til ferðandi í mars mánaði, men hevur síðani í fleiri førum linkað tiltøkini aftur.
Við nýggjastu broytingunum merkir tað, at skipini hjá Strandferðsluni kunnu sigla við:
Smyril: 500 ferðafólk
Teistin: 150 ferðafólk
Sam: 60 ferðafólk
Ternan 90 ferðafólk
Ritan: 70 ferðafólk
Sildberin 30 ferðafólk