Stutt sagt

214

druknað

214 fólk eru druknað, og umleið 300.000 eru vorð­in heimleys í Norðurkorea, sum í hesum døgum verð­ur herjað av teirri ringastu vatnflóðini seinastu tíggju árini. Myndugleikarnir siga, at eftir tveimum døg­um regnaði tað 600 milli­metrar, og tað gjørdi, at stór landbúnaðarøki standa undir í vatni. Fólk hjá altjóða Reyða Krossi, sum eru í Norðurkorea, siga, at tað er vanligt við vatnflóð í juli og august, men at tað hevur regnað óvanliga illa í ár.

Nógv

sjálvmorð

Í fjør tóku 25 amerikanskir hermenn tóku lívið av sær, meðan teir gjørdu tænastu í Irak ella í Afghanistan. Tilsamans beindu 99 amerikanskir hermenn fyri sær sjálvum í fjør, og so stórt hevur talið ikki verið tey sein­astu 26 árini, sigur verju­málaráðið Pentagon. Um orsøkina verður sagt, at strongd, trupulleikar við gentu ella konu og fíggj­arligir trupulleikar fáa altsamt fleiri hermenn til at beina fyri sær sjálvum.

Val uttan

Hamas

Palestinski forsetin, Mahmoud Abbas, um­­hugsar at broyta val­lógina til tess at forða fyri, at Hamas sleppur at stilla upp til næsta tjóð­ar­tings­valið. Í gjár ljóðaði, at Abbas ætlar sær at krevja, at øll, sum stilla upp á næsta vali, skulu vátta, at tey virða ta politisku stevnu­skránna hjá PLO, men enn eru eingi slík boð komin. Sambært stevnu­skránni hjá PLO viðurkenna palestinar ísraelska ríkið, men tað sýtir Hamas fyri at gera.