Subaru kemur við sínum fyrsta elbili í summar. Talan er um Subaru Solterra - 100 prosent Subaru og 100 prosent elektriskur.

Bilurin hevur tveir elmotorar á 80kW hvør og batterikapasitet á 71,4 kWh. Subaru Solterra koyrir yvir 400 km við einari løðing.   

Hann er bygdur upp sum elbilur við battarínum í botninum. Hetta gevur bilinum tryggar og stabilar koyrieginleikar.

Subaru eru kendir fyri sínar 4x4 eginleikar, og Solterra er einki undantak. Við fýrahjólstrekkinum og X-Mode sum standard kemur bilurin fram allastaðni. 

Eins og í øllum øðrum Subaru, hevur hesin allar innbygdar trygdarskipanir sum hjálpa bilføraranum undir koyring.

Langa aksulfrástøðan, høga fríhæddin og lága tyngdarpunktið eru við til at gera bilin rúmligan við tryggum koyrieginleikum. 

Solterra hevur flott design, sum vísir teir kendu Subaru kvalitetirnar við eitt nú sekskantaða frontgittaranum. 

Subaru gevur 8 ára garanti/ 160.000 km upp á heili 70 prosent av øllum kapasitetinum í sjálvum bilinum.

Hjá Berg Motors verður sagt, at ein demobilur kemur í summar, har kundar kunnu royna bilin.