Suðurafrika: 20 ungfólk deyð á barr

Myndugleikarnir royna at finna orsøkina til hendingina

Fólk savnaðust uttan fyri staðið, har ungfólkini doyðu (Mynd: Stringer/Reuters)

Í minsta lagi 20 ungfólk eru deyð á barr í sunnara parti av Suðurafrika.

 

Ritzau skrivar, at hendingin fór fram í býnum East London, og løgregluovastin í økinum sigur við AFP, at 17 fólk doyðu á barrini Scenery Park, og trý fólk doyðu seinni á sjúkrahúsi. Tvey fólk eru framvegis í lívsvanda.

 

Tey deyðu eru øll í aldrinum 18 til 20 ár.

 

Løgreglan sigur, at kannað verður nú, hví ungfólkini eru deyð. Ongir sjónligir snuddir ella skaðar eru á fólkunum, og tí er illgruni um, at tey kunnu vera deyð av onkrari eitran.

 

Fólk savnaðust uttan fyri staðið, har ungfólkini doyðu (Mynd: Stringer/Reuters)