Sundalagið er í vanda at flyta niður

Eftir at tað leingi hevur sæð út til, at bæði AB og 07 Vestur fóru at flyta niður og í hvussu so er annað av hesum feløgunum, so vendir tað eftir triðisíðsta umfar soleiðis, at tað av álvara brennur undir EB/Streymi.

EB/Streymur tapti 4-2 á heimavølli ímóti NSÍ, eftir at EB/Streymur tvær ferðir var á odda.

Bæði 07 Vestur og AB vunnu fulla úrtøku. Undan tveimum teimum síðstu umførunum er støðan tann, at EB/Streymur er fýra stig frammanfyri 07 Vestur og fimm stig frammanfyri AB.

Í næstsíðsta umfari skal EB/Streymur spæla í Sørvági.

07 Vestur venjarin Sigtór Petersen hevur góðar vónir:

-Undan hesum umfarinum segði eg, at um vit vunnu í dag, og EB/Streymur tapti, so fara vit at megna at sleppa undan niðurflyting. Vit vunnu, og EB/Streymur tapti, og nú fáa vit vitjan av EB/Streymi, sigur Sigtór Petersen.

Í síðsta umfari skal EB/Streymur spæla á heimavølli ímóti AB, sum í næstsíðsta umfari fær vitjan av Skála.

B36 vann 1-0 á heimavølli ímóti Suðringum, sum síðstu løtuna støðugt søktu at heimamálinum í roynd at javna. Úrslitið ber við sær, at B36 nú er næstfremst.

Árni Frederiksberg var í hopla í Hólmanum á Eiði, har NSÍ vann 4-2. Árni skoraði trý mál. Sigurin ber sær, at NSÍ nú er nummar trý.

24. umfar

EB/Streymur – NSÍ 2-4 (1-1)

1-0: Gestur B. Dam 18.

1-1: Árni Frederiksberg br 24.

2-1: Jens Michael Jensen 49.

2-2: Fróði Benjaminsen 57.

2-3: Árni Frederiksberg 62.

2-4: Árni Frederiksberg 70.

Skála – HB 0-1 (0-1)

0-1: Dan í Soylu 19.

07 Vestur – KÍ 4-2 (2-2)

1-0: Sonny Jakobsen 3.

2-0: Ken Fagerberg 10.

2-1: Kristoffur Jakobsen 38.

2-2: Páll A. Klettskarð 41.

3-2: sjálvmál 77.

4-2: Sonny Jakobsen 90.

B36 – Suðringar 1-0 (0-0)

1-0: Michal Przybylski 57.

AB – Víkingur 1-0 (1-0)

1-0: Jobin Drangastein 22.

26. umfar

Sunnudagin 21. oktober

KÍ - Suðringar

Víkingur - NSÍ

07 Vestur - EB/Streymur

B36 - HB

AB - Skála