Tað var í morgun, at svenska løgreglan fekk fráboðan um eina heldur óvanliga hending, tá manningin á einum fiskiskipi boðaði frá, at teir høvdu fingið eitt lík í gørnini.
Tað var lokala svenska heimasíðan - www.bohuslaningen.se - sum bar hesi tíðindi.
Kanningarleiðarin hjá svensku løgregluni, Lars Ström, sigur, at ótýdligi fongurin kom í gørnini á leiðini millum Göteborg og Skagen.
Løgreglan veit ikki, hvussu leingi líkið hevur ligið í sjónum, tí talan var meira um eina beinagrind í klæðum, sum løgreglan tekur til.
- Vit vita ikki, hvør samleikin hjá viðkomandi er, men nú verður ein drápsrannsókn sett í verk, leggur kanningarleiðarin, Lars Ström, aftrat.
##med2##
