Svøríki og Finnland hava í morgun alment latið inn umsóknir teirra um limaskap í verjusamgonguni Nato.
Tað varð gjørt við eitt lítið hátíðarhald á høvuðsstøðini hjá Nato í Brússel.
Tað vóru Nato-sendifólk frá teimum báðum londunum, sum lótu Nato aðalskrivaranum, Jens Stoltenberg umsóknirnar.
Umsóknirnar vórðu undirskrivaðar av uttanríkisráðharrunum í teimum báðum londunum í gjár.
Formligu avgerðirnar um at søkja um limaskap vórðu tiknar dagarnar frammanundan.
Í báðum londunum kom Nato-spurningurin skjótt á dagsskránna eftir at Russlandi gjørdi innrás í Ukraina.
/ritzau/