Teir druknu amerikanararnir høvdu sunnukvødlið um 22.40 tíðina keypt atgongumerkið til tornið. Á veg niður eydnaðist teimum at sníkja seg fram við nøkrum girðingum, skrivar tíðindastovan AFP.
Trygdarvørðar funnu teir millum aðru og triðju hædd á torninum, har vitjandi vanliga ikki hava atgongd. Sigast skal, at fyrst hædd er 110 metrar uppi í torninum.
Sløkkiliðisfólk og serfrøðingar í bjargingartiltøkum í vandamiklum hæddum vórðu boðsend at fáa teir burtur, sigur løgreglan.
Óbodnu gestirnir vórðu síðani førdir til avhoyringar á eini løgreglustøð.
– Eftir øllum at døma var tað í fyllskapi, at teir vórðu strandaði í torninum, sigur ákærumyndugleikin.
Rokið av teimum báðum amerikonsku ferðamonnunum førdi til, at tornið mánadagin lat upp ein tíma seinkað.
/ritzau/
Útsýnið yvir París er sera gott úr Eiffeltorninum:
##med2##
##med3##
##med4##
