Terji Rasmussen, Eyðun Nolsøe, MC-Hár, Signar í Homrum, Divaz, Petur Háberg, Grandmas Basement og Mike. Hetta eru tey, sum 2. december fara at syngja til frama fyri Í menniskjum góður tokki.
Nú eru jólini fyri framman, og tiltakið Ì menniskjum góður tokki hevur givið íblástur til Rex, sum bjóðar til eitt stórsligið stuðulstiltak í Rex tann 2. December. Peningurin fer óskerdur til eitt gávukort frá Klávus til Í menniskjum góður tokki.
Eftir at tað er kom fram, at fleiri fólk í Føroyum eru so illa fyri, at tey ikki hava ráð til jólagávur og jólahugna annars, fingu fyrireikararnir í Rex hug til at gera sítt fyri, at hesi fólkini
kunnu fáa eina hjálpandi hond á jólum.
Fyrireikararnir settur seg í samband við størstu tónleikanøvnini í Føroyum, og skjótt varð ein spennandi og fjølbroytt skrá sett saman.
Atgongumerkini kosta 150 kr. og peningurin fer óskerdur til gávukort frá Klávus til "Í menniskjum góður tokki"
Skráin sær soleiðis út:
21.00 Terji Rasmussen og Fríði Tanggard Bjørgvin
21.30 Petur og Guðrun Háberg
22.00 Signar í Homrum
22.30 Eyðun Nolsøe
23.00 MC Hár
23.40 Gipsy Train
00.20 Divaz
01.40 Grandmas Basement
02.20 Mike
02.30 DJ Martin Kjærbo
