Tað gongur strúkandi hjá Rúna Djurhuus

1. januar í 2018 keypti Rúni Djurhuus saman við øðrum bilasøluna P/F Wenzel frá Gunnari Justinussen, og síðan hevur tað gingið við rúkandi ferð.

Fyritøkan umboðar kendu merkini Ford og Volvo í Føroyum.

Bruttovinningur felagsins í fjør var 28,5 milliónir krónur í mun til 19 milliónir árið fyri og 13,6 milliónir í 2017. Starvsfólkakostnaðurin var í fjør 11 milliónir í mun til 9,2 milliónir í 2018 og 8,2 milliónir í 2017.

Úrslitið fyri skatt í fjør var 15,4 milliónir krónur í mun til 8,1 í 2018 og 4 milliónir krónur í 2017.

Felagið rindaði 2,8 milliónir í skatti í fjør, og var úrslitið eftir skatt 12,6 milliónir krónur í mun til 6,7 í 2018 og 3,3 í 2017.

Síðani Rúni Djurhuus tók við hjá P/F Wenzel hevur hann at kalla tvífaldað ársúrslitið tvær ferðir.

Eginpeningurin í felagnum er nú 26,2 milliónir krónur í mun til 13,6 milliónir í 2018 og 6,9 í 2017.

Langfreistaða skuldin hjá felagnum er 38,7 milliónir krónur. Hon er økt úr 24,6 milliónum árið fyri og 14,6 milliónum krónum í 2017.

Síðani Rúni Djurhuus tók yvir P/F Wenzel 1. januar í 2018 hevur felagið selt 1.111 nýggjar bilar: 719 Ford bilar og 392 Volvo bilar.

 ##med2##

10 tey mest seldu bilasløgini jan-mai 2020:

10 tey mest seldu bilasløgini í 2019

10 tey mest seldu bilasløgini í 2018

10 tey mest seldu bilasløgini í 2017

##med3##

##med4##

##med5##