Fýra partrolarapør eru til fiskiskap. Tey fiska upsa og annan hvítfisk, serliga longu, hýsu og tosk.
- Fiskiskapurin eftir upsa er smáligur, vita tey á Fiskamarknaði Føroya at siga.
Og soleiðis hevur tað tíverri verið í drúgva tíð.
Bara ein djúpvatnstrolari er til fiskiskap. Teir fiska svartkalva og annan djúpvatnsfisk og koma inn at landa í næstu viku.
- Allir teir smáu trolbátarnir liggja. Væntandi fer onkur út í vikuni, um veðrið loyvir tí.
Tvey garnaskip fiska svartkalva, og tvey fiska havtasku.
- Garnaskipini hava brúkiligan fiskiskap, og øll koma inn at landa í næstu viku, verður lagt aftrat.