Nógvar samrøður eru við sjófólk, og javnan eru andaktir og møtir umborð. Samrøður, vitnisburðar og kunning frá sjófólki og skipum, verða javnan skrivað um á facebooksíðuna hjá Sjómansmissiónini, skrivar sjómansmissiónin á heimasíðuni.
Teir umleið 40 sjómanskvinnuringarnir um landið eru virknir í og fyri sjómansmissión. Teir biðja fyri sjófólkunum, eru við til at bera fíggjarliga og gera umleið 1200 jólapakkar um árið til sjófólkið.
Árliga vitjar trúboðarin á Ørkini í Reykjavík, og eitt toymið vitjar árliga í Nuuk.
Alt hetta arbeiðið verður fíggjað við sjálvbodnum gávum, og komandi sunnudag verður savnað inn í kirkjunum til arbeiðið hjá Føroysku sjómansmissiónini.
