TB hevur funnið avloysaran fyri Michael Winter, sum í síðstu viku legði frá sær.
Nýggi venjarin eitur Lars Heiliger, sigur TB, sum greiðir soleiðis frá:
Lars Heiliger hevur starvast sum ungdómsvenjari í Týsklandi, eisini hevur hann royndir sum venjari í týsku 1. deild og hollendsku 2. deild.
Lars Heiliger er ikki ókendur á Tvøroyri, tí í 2014-2015 var hann venjari á vælumtókta fótbóltsskúlanum, sum TB skipar fyri á hvørjum ári.
Vit gleða okkum til samstarvið, og ynskja Lars góða eydnu við starvinum og vælkomnum á Tvøroyri, sigur TB í fráboðan fyri løtu síðani.
Í átta teimum fyrstu umførunum hevur TB bara vunnið eitt stig - 2-2 á útivølli ímóti B68. Í morgin eigur TB heimavøll ímóti EB/Streymi.
