Næstseinasta umfar í bólkaspælinum í Champions League verður í kvøld og í annaðkvøld, og Chelsea skal í eldin á heimavølli móti MSK Zilina í kvøld.
Slovakiska liðið hevur einki stig fingið enn, og Chelsea skal bert hava eitt stig í tveimum teimum seinastu dystunum í bólkaspælinum fyri at vera vísir í at vinna bólkin.
Chelsea hevur stórar trupulleikar í miðverjuni, og móti Sunderland næstseinasta sunnudag vóru teir púrasta úti at svimja. Bæði John Terry og Alex vóru skaddir, og hóast Alex var við seinasta leygardag, verður hann spardur í kvøld.
Ungi Jeffrey Bruma kemur inn í miðverjuna saman við Branislav Ivanovich, og unga stórtalentið, 17-ára gamli Josh McEachran, verður at finna á miðvøllinum.
Dystirnir í kvøld eru:
Bólkur E
AS Roma-Bayern München
Basel-CFR Cluj
Bólkur F
Spartak Moskva-Marseille
Chelsea-Zilina
Bólkur G
Ajax-Real Madrid
Auxerre-AC Milan
Bólkur H
Braga-Arsenal
Partizan Beograd-Shakthar Donetsk
Allir dystirnir byrja klokkan 19.45 uttan dysturin millum Spartak Moskva og Marseille, ið byrjar klokkan 17.30.
