Ein einstakur maður helt løgregluni til stóran part av degnum í gjár.
Vakthavandi á politistøðini sigur, at tey einar seks ella sjey ferðir vórðu boðsend til handlar, har maðurin hevði veirð ófriðarligur og gjørt ónáðir.
Vit vórðu boðsend til Inni og fleiri ferðir til Mylnuna við Berjabrekku, tí maðurin var komin inn í handilin og órógva, men aðru hvørja ferð var maðurin farin avstað, tá vit komu á staíð, sigur vakthavandi.
Seinastu ferð, boð vórðu send eftir løgregluni, var aftur í Mylnuni um átta tíðina í gjárkvøldið, og tá var tolið hjá løgregluni uppi. Maðurin varð handtikin og tveittur í brummuna.
Maðurin er ein gamal kenningur hjá løgregluni.
