Skiftið viskarabløð
Um viskararnir hava ringt við at halda regnið burtur av rútunum, gongur tað út yvir aktivu trygdina hjá bilføraranum. Tá er tíðin komin til at skifta viskarabløð. Kavi og frost fara ofta illa við viskarunum.
Kanna dekktrýstið
Lufttrýstið í dekkunum hevur bæði stóran týdning fyri livitíðina hjá dekkunum og fyri koyrieginleikarnar hjá bilinum. Við ov lítlum trýsti í dekkunum brúkar bilurin meira brennievni og vegfestið verður munandi verri. Tað kann vera ein økonimiskur fyrimunur at hava 0,2 bar meira í dekkunum, enn tað sum er fyriskrivað, við tað at bilurin koyrir longri upp á liturin.
Býtið hjólini um
At býta um upp á hjólini framman og aftan gevur meira javnt dekkslit á øllum fýra dekkunum á bilinum. Hetta kann t.d. gerast hvørja ferð skift verður millum vetrar- og summardekk. Serliga týdningarmikið er at hjólini vera spent við røttum momenti og at konisku flaturnar í felgunum til hjólboltarnar eru reinar.
