- Eg veit ikki, hvør hevur skrivað um meg á Vágaportalinum. Eg havi so ikki skrivað tað. Allar avgerðir standa við til aðrar avgerðir verða tiknar. Tað sigur Torbjørn Jacobsen, tingmaður fyri Tjóðveldi.
Hann boðaði frá í fjør, tá hann fór í starv sum havnameistari í Runavíkar kommunu, at han gevst í politikki, tá hetta valskeiðið er farið. Ein grein á Vágaportalinum í gjárkvøldið kann skiljast sum, at hann ætlar sær at bjóða seg fram aftur til næsta løgtingsval.
- Sum sagt, allar avgerðir standa við til aðrar avgerðir verða tiknar. Eg havi boðað frá, at eg stilli ikki uppaftur, sigur Torbjørn Jacobsen.
