Tveir dystir í kvinnukappingini vera seinnapartin. Ein verður í Gundadali, og hin verður á Skála.
Tað eru fimm lið í deildini, og í dag er tað KÍ, sum heldur frí.
Við 2-0 heimasigri ímóti KÍ fyri einari viku síðani legði ÍF/Víkingur/B68 seg á odda.
Í dag fer toppliðið at spæla í Gundadali ímóti B36. Árstalsliðið vann tíðliga í kappingini tvær ferð, men síðani hevur tað ikki bragdað.
HB, sum er á triðja plássi og fýra stig frá oddaliðnum, verður seinnapartin gestur undir Mýruhjalla á Skála. HB hevur skorað 34 mál – fjúrtan fleiri enn toppliðið. EBS/Skála hevur higartil vunnið ein sigur – á heimavølli ímóti B36.
EBS/Skála - HB: Sámal Einarsson kl. 14.00
B36 - ÍF/Víkingur/B68:Stephan Petursson kl. 15.00
| ÍF/Vík/B68 | 9 | 6 | 2 | 1 | 20 | 7 | 20 |
| KÍ | 9 | 6 | 1 | 2 | 15 | 7 | 19 |
| HB | 9 | 5 | 1 | 3 | 34 | 8 | 16 |
| B36 | 9 | 2 | 0 | 6 | 7 | 28 | 6 |
| EBS/Skála | 9 | 1 | 0 | 7 | 4 | 30 | 3 |
