Gourmetmatstovur í fleiri londum bíða í spenningi til í kvøld klokkan 19, tá michelinstjørnurnar verða lætnar.
Seinastu tíðina hava inspektørar í loyndum og við at vísa seg vitjað matstovur fyri at døma, um tær skuldu hava eina ella fleiri stjørnur – ella verja sína stjørnu ella stjørnur.
Í Føroyum hevur matstovan Koks tvær michelinstjørnur at verja á tiltakinum, sum verður í Stavanger í Noreg í kvøld klokkan 19.
Soleiðis verður dømt:
* Sambært Michelin guidini fær maturin – og bara maturin – karakter við stjørnum.
* Meting av tænastu, umhvørvi og øðrum viðurskiftum verður dømt við krossløgdum borðbúnaði.
* Síðani 2020 kunnu matstovur eisini fáa eina grøna stjørnu, sum heiðrar matstovur við buradyggari atgongd til gastronomi. (Koks fekk ta grønu stjørnuna í fjør, umframt at varðveita tær tvær michelinstjørnurnar)
* Tríggjar stjørnur í Michelinguidini merkir, at matstovan er »verd at ferðast til«
* Tvær stjørnur merkir, at matstovan er »verd ein umveg«
* Ein stjørna merkir, at hon er »ein rættiliga góð matstova í sínum bólki«.
##med2##
* Stjørnurnar verða givnar við støði í tí mati, sum verður veittur. Fimm eyðkenni vegleiða inspektørarnar, tá teir meta:
1. Góðskan á rávørunum.
2. »Handverkið« – tað vil siga smakkur og tilgerð.
3. »Persónligheitin« – tað vil siga, hvussu væl tað er eydnast kokkinum at finna sítt egna úttrykk.
4. Nakað fyri pengarnar.
5. Góðska yvir tíð – tað skal vera ein líka fantastisk uppliving, líka mikið nær tú vitjar matstovuna.
Kelda: Michelin.
/ritzau/
