Tróndur Mikkelsen og liðfelagarnir í Ryger Stavanger spældu fyrr í dag á útivølli í næstbestu norsku hondbóltsdeildini.
Ryger Stavanger var omaná 15-11 í steðginum, men endaði við at tapa 25-29 fyri heimaliðnum, Ros.
Tróndur Mikkelsen átti lut í 14 av teimum 25 málunum hjá Ryger í dag. Hann skoraði sjey mál, og hann legði upp til sjey mál.
Fyri avrikið var Tróndur Mikkelsen valdur at vera besti leikari á vøllinum.
Follo vann uttan Teis Horn Rasmussen 33-17 (16-10) á Herulf Moss á útivølli. Teis verður tó klárur til komandi dyst.
Follo er nummar fýra í deildini við 29 stigum, tvey stig aftanfyri triðja plássið sum gevur rætt til dystir um uppflyting aftaná lokið grundspæl.
Ryger er nummar fimm í deildini við 26 stigum.
Mikukvøldið 29. mars verður føroyingauppgerð í Stavanger millum Ryger og Follo.