Amerikanski forsetin, Donald Trump, hevur á tíðindafundi í morgun sagt, at hann er opin fyri at luttaka í samráðingunum um Ukraina, um tað verður "relevant".
Ukrainski forsetin, Volodymyr Zelenskij er í Turkalandi á fundi við Erdogan, forseta.
Tað var russiski forsetin, Vladimir Putin, sum kom við hugskotinum um beinleiðis samráðingar við Ukraina í vikuni, eftir at evropeisk lond boðaðu frá herdum revsitiltøkum.
Volodymyr Zelenskyj svaraði, at hann bert fór at luttaka í samráðingum, um russiski forsetin møtti upp persónliga.
Seinni hevur ukrainski forsetin sagt, at hann er fyri øllum samráðingum, sum kunnu føra til eina vápnahvíldaravtalu millum Ukraina og Russland.
Sum skist í morgun, er Vladimir Putin ikki sjálvur í Turkalandi, men hann hevur sent eina sendinend avstað at luttaka í møguligum friðarsamráðingum.
Í morgun hava útlendskir miðlar eisini skrivað, at ósemja hevur verið um, nær ein møguligur samráðingarfundur millum londini skuldi byrja í Instanbul.
