Trump: Metið loftrúmið í Venezuela sum stongt

Meðan USA er í ósemju við Venezuela, sigur Trump forseti, at loftrúmið í landinum nú er stongt.

– Metið loftrúmið yvir og kring Venezuela sum fullkomiliga stongt, skrivar Trump í dag á Truth Social. (Savnsmynd). - Mynd: Kevin Lamarque/Reuters

Loftrúmið yvir Venezuela skal metast at vera fullkomiliga stongt.

Tað skrivaði amerikanski forsetin, Donald Trump, í einum uppslagi á sínum sosiala miðli, Truth Social, leygardagin.

- Til øll flogfeløg, flogskiparar, rúsevnasmuglarar og menniskjasmuglarar: Mett loftrúmið yvir og kring Venezuela sum fullkomiliga stongt, skrivar Trump.

- Takk fyri, at tit geva hesum máli ans!

USA hevur í longri tíð økt trýstið á Venesuela.

Trump-stjórnin hevur lýst suðuramerikansku rúsevnakartellini at vera yvirgangsfelagsskapir.

Hernaðarliga nærveran út fyri Venezuela er rættvísgjørd av ynskinum um at steðga rúsevnahandilinum til USA.

 

/Ritzau/

 

 

 

– Metið loftrúmið yvir og kring Venezuela sum fullkomiliga stongt, skrivar Trump í dag á Truth Social. (Savnsmynd). - Mynd: Kevin Lamarque/Reuters