Tríggir persónar eru deyð og ein er særdur av knívstungu tíðliga í morgun í Nordland í norðara parti av Noreg, skrivar norska tíðindastovan NTB.
– Løgreglan fekk boðini klokkan 4:52 um knívstungu á eini privatari adressu í Indre Salten. Løgreglan fór alt fyri eitt á staðið, har staðfestast kundi, at tríggir persónar vóru deyðir, og ein persónur særdur. Tann, ið hildin verður hava stungið, er millum tey deyðu, sigur leiðandi løgreglumaðurin í Nordland politidistrikt, Bent Are Eilertsen, í tíðindaskrivi.
Løgreglan upplýsir, at tað ikki er orsøk at halda, at aðrir persónar hava verið uppi í málinum.
Løgreglan hevur boðað til tíðindafund um málið.
/ritzau/NTB
