10. umfar í næstbestu fótbóltsdeildini er á skránni ídag. Felags fyri trý tey fremstu liðini er, at tey í dag skulu spæla útivølli.
07Vestur, sum er ovast á talvuni, er á veg til Runavíkar. Unga NSÍ liðið hevur tapt tríggjar av fýra heimadystum. Tapini hava verið ímóti B68, B71 og Skála, sum eru liðini, ið kappast við 07 Vestur um ovastu plássini.
Einasta ferðin, sum NSÍ higartil hevur vunnið á heimavølli, var ímóti KÍ, tá úrslitið var 2-0. Klaksvíkingar hava higartil staðið seg væl á heimavølli. Teir hava vunnið fulla úrtøku burtur úr øllum fýra heimadystunum. Í dag verður torfør avbjóðing á skránni, tí tá verður Skála mótstøðuliðið. Úrtøkan hjá Skála á útivølli hevur higartil verið tveir sigrar, ein javnleikur og eitt tap.
MB fær vitjan av toftamonnum, sum mugu roknast at vera stórfavorittar.
B71 fær vitjan av AB. Sandoyingar hava higartil staðið seg væl á heimavølli – 10 stig í fýra dystum – og argjamenn hava ikki staðið seg so væl á útivølli – trý stig í fýra dystum.
Í Leirvík verður dagsskráin at sleppa undan plássinum undir strikuni, tá ið Víkingur fær vitjan av B36.
Í fjórða umfari vóru úrslitini hesi: 07 Vestur-NSÍ 1-0, AB-B71 0-0, Skála-KÍ 4-2, B68-MB 2-0 og Víkingur-B36 1-1.
Í dag
B71-AB: Bent Tommy Linklett kl. 14.00
MB-B68: Johan Petur Michelsen kl. 15.00
NSÍ-07Vestur: Hallur Christiansen kl. 13.00
Víkingur-B36: Bjarki Danielsen kl. 15.00
KÍ-Skála: Vinjard Dam kl. 16.30
Støðan
07Vestur 24
Skála 22
B68 19
B71 16
AB 14
NSÍ 12
KÍ 12
B36 7
Víkingur 5
MB 0
07 Vestur og NSÍ hava spælt 10 dystir, og hini liðini hava spælt 9 dystir.
