Flestu fólk fara í býin fyri at hugna sær, men ikki øll, tíverri.
Tíðliga sunnumorgunin fekk løgreglan í Havn fráboðan um, at tríggir mans gingu í býnum og bukaðu fólk.
Tveir mans vórðu, hvør í sínum lagi, skallaðir niður uttanfyri Club 20 í miðbýnum.
Tað var soleiðis, at tveir av monnunum hildu tí álopna, meðan tann triði skallaði teir í andliti.
Báðir menninir hava fingið rættiliga stóran skaða í nøsina og tað er vandi fyri, at tað verður neyðugt at leggja teir undir skurð. Hetta verður ikki vist fyrr enn verkurin er horvin.
Eingin er tikin í málinum enn, men støðleiðarin í Havn sigur, at upplýsingarnir um persónarnar eru so góðir, at teir óiva verða handtiknir ein av fyrstu døgunum.
