Tórshavnar kommuna følir seg noydda at minna sína borgarar á, at tað framvegis er bannað at tveita rusk í náttúruna.
Kommunan sigur, at hon hevur fingið fráboðanir um, at rusk liggur og rekst á Lambafelli við Oyggjarvegin. Eftir øllum at døma er onkur, sum ikki heldur seg hava tíð at bíða eftir, at endurnýtslan letur upp aftur eftir eldsbrunan, sum varð á brennistøðini 4. mars.
Tórshavnar kommuna boðaði frá, at endurnýtslurnar í kommununi fóru at vera stongdar til 20. mars.
Nú minnir kommunan borgarar sínar á, at burturkastið má goymast, til tað aftur slepst av við rusk á Endurnýtsluni.
