Fíggjar og grannskoðarrisin, KPMG, hevur kunngjørt eina árliga rapport um tey mest virðismettu fótbóltsliðini í heiminum.
Í rapportini hjá KPMG koma tey bæði stófeløgini, Manchester United úr Onglandi og Real Madrid úr Spania, á einum deildum fyrsta plássi. Bæði við einum virðið uppá 21,5 milliardir krónur.
Á triðja plássinum kemur Barcelona við einum virðið uppá 20,7 milliardir krónur, meðan Bayern Munchen er á fjórða plássið við einum virðið uppá 16,3 milliardir krónur.
Ítróttarstjórin hjá KPMG, Jean-Luc Leroux, sigur at analysan av feløgunum í rapportini byggir á fleiri ymisk viðurskiftir.
- Analysan viðgerð hvussu væl umtókt feløgini eru globalt, tal av fylgjarum á sosialum miðlum, ítróttarlig avrik, virðið á spælarunum hjá feløgunum, inntøkur av sjónvarpspengum, hvussu ofta feløgini verða víst í sjónvarpinum og ikki minst stadionumstøðunum hjá feløgunum.
- Listin er gjørdur soleiðis at feløgini kunnu samanbera seg við hvørji onnur. Tey fáa at síggja hvar tey eru stødd í tí europeiska hierarkinum, og hvussu tey kunnu útvikla sítt egna virðið gjøgnum kappingarár, sigur Jean-Luc Leroux.
Topp 10 listin yvir hægst virðismettu fótbóltsfeløg í heiminum er hesin:
1. Manchester United – virði 21,5 milliardir krónur
2. Real Madrid - virði 21,5 milliardir krónur
3. FC Barcelona – virði 20,7 milliardir krónur
4. Bayern Munchen virði 16,3 milliardir krónur
5. Arsenal – virði 12,6 milliardir krónur
6. Manchester City – virði 11,8 milliardir krónur
7. Chelsea – virði 11,1 milliardir krónur
8. Liverpool – virði 9,6 milliardir krónur
9. Juventus – virði 7,2 milliardir krónur
10. PSG – virði 6,2 milliardir krónur
