- Tvey ísfiskalínuskip koma inn at landa í morgin. Annað hevur mest av blálongu og nakað av toski og svartkalva. Hitt hevur mest av hýsu og so nakað av toski.
Tað vita tey á Fiskamarknaði Føroya at siga.
- Fýra frystilínuskip fiska í føroyskum sjógvi, trý eru í íslendskum sjógvi, og eitt frystilínuskip fiskar í grønlendskum sjógvi.
Sagt verður, at frystilínuskipini fáa eina blanding av toski, hýsu, longu og brosmu.
Um útlitini til útróður í næstu viku verður sagt, at streymurin verður harður fyrst í vikuni, men batnar, sum vikan gongur.
- Veðrið verður gott í byrjanini av vikuni, men verður meira skiftandi seinni í vikuni. Tí verður ikki roknað við nógvum útróðri í vikuni.
Lagt verður aftrat, at útróðrarbátarnir fáa mest av hýsu og so nakað av toski, men fiskiskapurin hjá útróðrarbátum er smáligur.