Rockbólkurin Týr hevur útgávukonsert og 20 ára hátíðarhald í februar mánaði.
Týr gevur út upptøkurnar av framførsluni, sum bólkurin hevði saman við Føroya Symfoniorkestri í Norðurlandahúsinum í fjør. Konsertin kemur út sum sett við tveimum fløgum og einari dvd. Eisini kemur konsertin sum dupult lp-pláta við nýggjari kápumynd av Gyula Havancsák, ið hevur gjørt flestu kápumyndirnar hjá Týr.
Leygarkvøldið 26. februar verður útgávukonsert og hátíðarkonsert í Løkshøll í Runavík. Tá verður nýggja útgávan markerað og feirað verður, at 20 ár eru liðin, síðani Týr gav fyrstu fløguna út, How Far To Asgaard í 2002. Gestatónleikarar á konsertini verða Pól Arni Holm, Terji Skibenæs og Streymoy, ið allar hava spælt við Týr áður.
Atgongumerki til konsertina kunnu keypast á heimasíðuni atgongumerki.fo