Reuters veit at siga, at Ukraina og Italia hava gjørt eina lánsavtalu.
Sambært ukrainska fíggjarmálaráðnum skulu pengarnir brúkast til at fíggja læraralønir í Ukraina.
Ukrainska fíggjarmálaráðið sigur, at Italia vil læna Ukraina pengar í 15 ár uttan rentur.
Italia vil eisini hjálpa ukrainsku stjórnini við fíggjarligum støðufesti, hóast veksandi útreiðslur í Ukraina.
Tað hevur verið trupult hjá Ukraina at fáa fíggjarligu endarnar at røkka eftir russisku innrásina.
Tað var hin 24. februar, at Russland leyp á Ukraina, og enn hómast eingin endi á krígnum.