Ukrainski forsetaráðgevin Mykhajlo Podoljak sigur um óvæntaðu vitjan Putins í Mariupol, býnum, sum Russland hevur hertikið, at »brotsmaðurin vendir altíð aftur til gerningsstaðið«.
– Maðurin handan drápini á fleiri túsund familjur í Mariupol er vendur aftur at fyri at njóta sjónina av oyðileggingum og grøvum. Hetta vísir kensluloysi og vandandi angur, skrivar Podoljak í eini tweet-viðmerking.
Russiskar tíðindastovur skrivar, at Putin fleyg til Mariupol í tyrlu dagin eftir, at hann var á Krim. Hann koyrdi runt í fleiri býarpørtum í Mariupol og vitja eina lokala familju.
Putin var í gjár á Krim undir eini vitjan, sum skuldi hátíðarhalda níggju ára dagin fyri, at Russland innlimaði Krim í Russland. Tað skrivar ríkissjónvarpið í Russlandi.
Vitjanin á Krim var heldur ikki frammanundan almannakunngjørd. Russiski leiðarin vitjaði ein listaskúla í býnum Sevastopol. Guvernørurin á Krim, Mikhail Razvozjajev fylgdi Putin á ferðini.
Tað var tann 18. mars í 2014, at Putin skrivaði undir skjal í Moskva og innlimaði Krim í Russiska Samveldið.
Vitjanin er fáar dagar eftir, at altjóða revsidómstólurin ICC sendi út eini handtøkuboð um Putin fyri krígsbrotsgerðir.
Mariupol, sum er í Donetsk-landspartinum, varð kringsettur av russiskum deidlum í fleiri mánaðir, áðrenn býurin fall í mai. Hertøkan av býnum var fyrsti sigur hjá Russlandi í krígnum.
Tað er fyrstu túrur Putins í Donbas-landspartinum. Tað er tað nærmasta, sum russiski forsetin hevur verið hermótinum í krígnum, síðani hann gav boð um innrásina 24. februar í fjør.
Stríðið um Mariupol var eitt tað blóðugsta í krígnum.
Ukrainsku myndugleikarnir hava áður mett, at minst 25.000 fólk doyðu í bardaganum um býin, og at millum 5.000 og 7.000 teirra doyðu í leivdunum av sundurbumbaðum húsum.
Umleið 90 prosent av íbúðunum í býnum eru sambært ST lagdar í oyði.
