»Fólkaflokkurin er ikki samdur við Jóannes Eidesgaard um, hvussu stór danska ríkisveitingin til Føroyar skal vera næsta ár. Tað staðfestir Anfinn Kallsberg, fólkafloksmaður og formaður í fíggjarnevndini í Løgtinginum.
Í dag hevur Løgtingið viðgjørt uppskotið hjá Jóannes Eidesgaard, landsstýrismanni, um at næsta ár skal danska ríkisveitingin úr Danmark verða tann sama sum í ár, nevniliga 615,5 milliónir.
Annars stendur í ABC samgonguskjalinum, at ríkisveitingin skal lækkast 15% av veruliga inntøkuvøkstrinum seinastu fimm árini.
Samgongan hevur roknað út, at skal samgonguskjalið haldast, skal blokkurin sostatt minka 400.000 krónur næsta ár, úr 615,5 milliónum, niður í 615,1 milliónir.
Landsstýrið metir kortini, at henda lækking er ov lítil, tí verður ríkisveitingin ikki lækkað í 2011, sigur Jóannes Eidesgaard.
Men hesum er Fólkaflokkurin ikki samdur í, tí Anfinn Kallsberg staðfestir, at flokkurin stendur við avtalurnar í samgonguni og ætlar at halda tær.
Sjálvt um talið er lítið, er signalvirðið stórt, halda fólkafloksfólk.
Fólkafloksmenn skutu eisini eftir Sambandsflokkinum og takkaði teimum fyri, at tey vildu vera við til at lækka blokkin úr Danmark.«
– Hetta snúði seg um at halda samgonguavtaluna. Hvussu man gangast hjá Fólkaflokki, Miðflokki og Sjálvstýri at halda avtalurnar við veljaran?
