Herfyri læt Berg Motors tríggjar nýggjar Scania P 450 ruskinnsavningarbilar til interkommunala renovatiónsfelagsskapin, IRF á Hagaleiti í Leirvík.
Scania leggur stóran dent á, at teirra lastbilar altíð eru dagførdir við tí mest framkomnu tøknini sum finst, bæði hvat trygdarskipanum, økonomi og umhvørvi viðvíkur.
Tað passar væl inn í umhvørvispolitikkin hjá IRF í arbeiðnum fram ímóti at gera Føroyar reinari og burðardyggari, at hesir nýggju bilarnir, umframt at verða sera umhvørvisvinarligir, eisini kunnu brúka biodiesel sum brennievni.
Alt virksemið hjá IRF hevur fingið ISO-14001 góðkenning.
Scania hava verið umboðaðir í Føroyum av Berg Motors síðan 1979 og eru framvegis sera væl umtóktir í føroysku flutningsvinnuni, har teir eru ímyndin av slitstyrki og komforti á høgum støði.
##med2##