Tónleikarin og undirhaldarin Eddie Skoller er í deyður í dag eftir longri sjúkralegu. Tað upplýsir familjan fyri Ritzau.
Eddie Skoller gjørdist 79 ára gamal. Hann sovnaði stillisliga við sínum nærmastu kring seg á Ríkissjúkrahúsinum, sigur familja, sum biður um frið til at syrgja.
Upplýst verður ikki, hvørja sjúk talan var um.
Eddie Skoller var føddur í Missouri í Amerika í 1944, men hann hevur búð í Danmark størsta partin av lívi sínum.
Longu sum barn droymdi hann um at gerast undirhaldari. Tað gjørdist til veruleika, tá hann síðst í 1960'unum fór at føra fram á palli.
Tað vóru sangir sum »What did you learn in school today«, »En enkel sang om frihed« og »I Middelhavet sardinen svømmer«, sum gjørdu hann væl kendan.
Fyri ta tíð hevði hann lisið búskap á Handilshøjskolen í Keypmannahavn og millum annað arbeitt fyri Danfoss. Men hjarta var á pallinum og tónleikinum, og í 1968 byrjaði hann í Vise Vers Húsinum hjá Tivoli. Nøkur ár seinni kom fyrsta onemanshowið hjá honum, sum hann førdi fram í Odd Fellow Palenum.
Yrkisleiðin hjá Eddie Skoller gjørdist drúgv í fleiri tíggjuáraskeið. SEinnu árini hevur hann millum annað verið á turné við »nostalgi-forestillinger« og framført fyri virkjum og á kongressum.
Í 2020 gjørdi hann harumframt come-back í serligari konsert útgávu av musicalinum »Jesus Christ Superstar«. Eddie Skoller spældi sjálvur við í framførsluni, tá hon í 1972 varð frumframførd í Danmark.
Undirhaldarin var í mong ár góður tennisspælari. Í fleiri ár spældi hann saman við tónaskaldinum Bent Fabricius-Bjerre, sum doyði í 2020.
Privat hevur Eddie Skoller í lívinum verið saman við mongum kendum kvinnum, teirra millum sjónleikaranum Lisbet Lundquist, sum hann var giftur við frá 1983 til 1990.
Seinni var hann giftur í tíggju ár við norsku songkvinnuni Sissel Kyrkjebø. Skilnaðurin frá henni var serliga trupul, hevur hann áður sagt.
Eftir Eddie Skoller sita fimm børn og konan Dorrit Elmquist.
/ritzau/
