Undrið FF vann fyrru hálvfinaluna í 3. deild 2-0 á heimavølli. Ì dag spældu liðini tað seinnu hálvfinaluna í Hvalba, og her vann Royn 2-0. Tí var neyðugt við einari dramatiskari brotssparkskapping fyri at fáa eina endaliga avgerð. Málverjin hjá Undrinum, Arne Winthereig tók seinasta brotssparkið hjá Royn, og tryggjaði harvið tí unga havnarfelagnum uppflyting upp í 2. deild. Undrið var stovnað 18. januar í 2006, og felagið hevur tí minni enn fimm ár á baki. Hetta kappingarárið hevur felagið havt tvey lið í 3. deild, og eitt kvinnulið, sum hevur spælt á hálvum vølli.