Stevnan er fyri ungfólk í aldrinum 13 - 17 ár. ??Í ár verður stevnan hildin á Húsum. Barnadansur hevur verið fastur partur av barna- og ungdómslívinum á Húsum í fleiri ár, og hevur bygdin fostrað fleiri ungar kvøðarar.?Stevnan byrjar fríggjakvøldið tá teir ungu luttakararnir sleppa at dansa saman við limum úr Klaksvíkar Dansifelag og kalsoyingum, ið leggja leiðina framvið. Leygarmorgunin er dansur og læra á skránni.
Evnið á stevnuni hesaferð er ”Hvussu læra vit okkum kvæðini?” Her fer Ólavur Syderbø at greiða frá, hvønn hátt hann brúkar fyri at minnast og læra seg kvæðini. Eftir hetta fara ungfólkini, við fyrilestrinum í huga, at læra seg kvæðið um kópakonuna. ?
Seinni kemur Rasmus Joensen, formaður í Sláið Ring, at greiða frá hvønn týdning tað hevur at unga ættarliðið luttekur í dansi og lærir seg kvæðini. ?Leygardagin er útferð á skránni. Farið verður norður til Mikladals at hyggja at helluni, har kópakonan á sinni dansaði og misti bjálvan, sum bóndin tók til sín.?Á Trøllanesi hevur Mikkjal Joensen fingið lív aftur í gamalt jarnsmíð. Hetta sleppa luttakararnir at uppliva.
