Ung í grikkalandi millum 18 og 25 ár, sum lata seg koppseta ímóti covid-19, kunnu vænta sær eina løn, tá tey eru koppsett.
Tað sigur landsins forsætisráðharri, Kyriakos Mitsotakis.
– Við fyrra priki við koppingarevninum fáa tey eitt gávukort upp á 150 evrur (umleið 1.115 krónur), sigur hann á ráðharrafundi sambært tíðindastovuni Reuters:
– Tað er okkara skuld til tey ungu, ein gáva givin í takksemi, sigur hann.
Grikska stjórnin hevur spent øll segl fyri at fáa koppsett so mong sum gjørligt innan summafrítíðina.
Sambært Reuters er umleið ein triðingur av landsins 11 milliónum borgarum koppsett.
##med2##
Fyri at fáa so mong sum gjørligt av landsins 940.000 ungum millum 18 og 25 ár koppsett, hava tey nú eina ítøkiliga løn í væntu.
Tey ungu fáa gávukort, sum kann brúkast til summaferiu ella til mentanartiltøk frá 15. juli, og ein mánað ókeypis internetdáta til fartelefonina til í august.
/ritzau/
##med3##
