Tíðliga í morgun á ársins fyrsta degi fekk Grønlands Politi eina fráboðan um eitt møguligt dráp í lítlu fiski-og veiðimannabygdini, Sermiligaaq.
Bygdin liggur uttarlaga á einum tanga heilt har úti í Ammasalikfjørðinum.
Boðini vóru, at ein 42 ára gaman maður var deyður, og løgreglan stúrir fyri, at talan kann vera um dráp.
- Vit fóru úr Tasiilaq og út til bygdina í tyrlu og hava handtikið ein 18 ára gamlan mann, sum er undir illgruna í málinum.
Grønlands Politi upplýsir yvirfyri Sermitsiaq, at hin deyði og ungi maðurin, sum nú er handtikin, eru í familju.
- Vit eru í løtuni í holt við at kanna málið, og vit vænta, at hin handtikni kemur fyri rættin, har vit ætla, at maðurin fyribils skal afturhaldast.
Grønlands Politi vil ikki siga meira um málið í løtuni, men leggur aftrat, at tey avvarðandi hava fingið boð um hendingina.
Í Sermiligaaq, sum er ein fiski-og veiðimannabygd, búgva umleið 220 fólk, og bygdin er partur av Ammassalik kommunu.
