Manchester United vann í kvøld 1-0 á Aston Villa í seinasta dystinum í 3. umfari í ensku steypakappingini FA Cup. Scott McTominay skoraði einasta málið í dystinum.
Avgerandi og einasta málið í dystinum kom longu aftaná átta minuttir, tá Scott McTominay stútaði eitt innlegg frá útskeldaða Fred í málið. Tað komu tvey mál afturat, men í báðum førum vóru spælarar hjá Aston Villa rangstaddir.
Tað fylti eitt sindur á Old Trafford, at fyrrverandi liðskiparin hjá Liverpool, Steven Gerrard, er venjari hjá Aston Villa. Gestirnir kundi havt fingið útjavnandi málið, men samstundis kundi heimaliðið, sum var uttan Cristiano Ronaldo, eisini havt avgjørt dystin.
Lutakastið til 4. umfar hevur verið. Tey stóru í Premier League fingu øll eitt lutakast, har tey eru stórfavorittar at vinna. Dystirnir verða í feburar.
Lutakastið til 4. umfar:
1 Crystal Palace v Hartlepool United
2 AFC Bournemouth v Boreham Wood
3 Huddersfield Town v Barnsley
4 Peterborough United v Queens Park Rangers
5 Cambridge United v Luton Town
6 Southampton v Coventry City
7 Chelsea v Plymouth Argyle
8 Everton v Brentford
9 Kidderminster Harriers v West Ham United
10 Manchester United v Middlesbrough
11 Tottenham Hotspur v Brighton & Hove Albion
12 Liverpool v Cardiff City
13 Stoke City v Wigan Athletic
14 Nottingham Forest v Leicester City
15 Manchester City v Fulham
16 Wolverhampton Wanderers v Norwich City
